XODIMLARGA YARATILGAN SHAROITLAR

Radioaloqa, radioeshittirish va televideniye markazi davlat unitar korxonasining ijtimoiy – iqtisodiy rivojlanishi, xodimlarning mehnat qilish va unga haq to‘lash minimal ijtimoiy kafolatlari Jamoa shartnomasida belgilangan. Jamoa shartnomasini ishlab chiqishda asosiy e’tibor uni mazmunini respublika mehnat qonunchuligi va Axborot texnalogiyalari va kommunikatsiyalarni rivojlantirish vazirligi hamda Aloqa sohasi xodimlari kasaba uyushmasi Respublika kengashi o‘rtasida tuzilgan "Soha kelishuvi"ga mosligiga qaratilgan.

Amaliy imkoniyatlardan kelib chiqqan holda ijtimoiy – iqtisodiy masalalarni tartibga solishga qaratilgan aniq va batafsil nizomlar ishlab chiqilgan. Barcha qonun me’yorlariga bo‘ysungan holda xodimlar uchun qo‘shimcha kafolatlar o‘rnatilgan.

Jamoa shartnomasi korxona mehnat jamoasining 1000 dan ortiq xodimlarining manfaatlarini aks ettiradi.

Ish haqini to‘lash va xodimlarning ijtimoiy kafolatlarini ta’minlash manbaini korxonaning mablag‘lari tashkil qiladi.

Amaldagi me’yoriy hujjatlarga binoan o‘rnatilgan mehnatni mintaqaviy sharoitlarini (cho‘l, yuqori tog‘lik, suvsizlik sharoitlari) tartibga soluvchi to‘lovlar hamda joydan-joyga ko‘chish, vaxta usulida ishlash bilan bog‘liq to‘lovlar bajariladi. Maoshga nisbatan 35 foizgacha miqdorda yuqori kasb mahorati uchun ustama haqlar nazarda tutilgan. Shuningdek, ish hajmi oshganligi uchun o‘rindoshlik qilinayotgan xodim maoshining 50 foizigacha miqdorida ustama haq to‘lanadi.

Xodimning aloqa sohasida ko‘p yillik ishlashini inobatga olish uchun rag‘batlantirish to‘lovi mo‘ljallangan. Xodimlarning aloqa sohasidagi mehnat stajini inobatga olgan holda to‘lovlar miqdori maoshga nisbatan 10 foizdan 30 foizgacha o‘zgaradi.

Jamoa faoliyatini yakuniy natijalariga erishishdagi ish hajmining rag‘batlantirish ahamiyatini kuchaytirish maqsadida xodimlarni alohida muhim bo‘lgan topshiriqlarni bajarganligi uchun mukofot ko‘rinishda rag‘batlantirish mo‘ljallangan. Ish haqi jamg‘armasining tejalgan qoldig‘ini taqsimlanishi har bir xodimning mehnatda ulushdoshlik koeffitsienti inobatga olingan holda taqsimlanadi. 

Korxonada ish joylarda mehnat sharoitlarini yaxshilash, mehnatni muhofaza qilish va texnika xavfsizligi bo‘yicha tadbirlar o‘kaziladi. Xodimlarga sog‘lom va xavfsiz sharoitlarni yaratish, ularninig ishlab chiqarish maishiy sharoitlarini ta’minlash yuzasidan ishlar doimiy ravishda olib borilmoqda. Binobarin, xodimlarni individual maxsus muhofaza vositalar hamda maxsus kiyim va poyafzal bilan ta’minlash ishlari ham olib boriladi. Xodimlar har yili bepul ravishda tibbiy ko‘rikdan o‘tkaziladi, kassalliklarni oldini olish tibbiy ko‘riklari o‘tkaziladi.

Amaldagi qonunchilikka binoan korxonada ish va dam olish tartibi belgilangan. Har yili xodimlar asosiy (davomligi 15 ish kuni) hamda qo‘shimcha (davomligi 9 ish kuni) qismlardan iborat mehnat ta’tiliga chiqishadi.

Korxonada moliyaviy imkoniyatlardan kelib chiqqan holda xodimlarga ijtimoiy imtiyozlar berishga e’tibor qaratiladi.

Xodimlarni sog‘lomlashtirish maqsadida turli sport – sog‘lomlashtiruv va madaniy – ommaviy tadbirlar o‘tkaziladi. Xodimlar aloqa sohasida tashkil etiladigan turli sport musobaqalarda ishtirok etadilar.