"RRTM" DUKning tegishli buyrug'i bilan Toshkent RTUM tomonidan, Toshkent shahar FVB yong'in-qutqaruv brigadasi bilan hamkorlikda Toshkent teleminorasida 2022-yil 16-avgust kuni "Tabiiy va texnogen xususiyatli favqulodda vaziyat oqibatlarini bartaraf etish hamda boshqaruv organlari va hamkorlikdagi xizmatlar bilan harakatini takomillashtirish" mavzusida maxsus taktik o'quv mashg'uloti o'tkazildi.
O'quv mashg'uloti davomida:- Zilzila sodir bo'lganda odamlarni xavfsiz joyga evakuatsiya qilish;
- Qidiruv-qutqaruv ishlarini olib borish hamda birinchi tibbiy yordam ko'rsatish;
- Yong'in sodir bo'lganda to'g'ri harakatlanish kabi vazifalar a'lo darajada bajarildi.
O'quv mashg'uloti yakunida erishilgan yutuqlar, yo'l qo'yilgan kamchiliklar atroflicha muhokama qilinib, bir qator taklif va tavsiyalar berildi. Shuningdek,  Toshkent shahar FVB yong'in-qutqaruv brigadasining maxsus jihozlangan  avtomobillari ko'rgazmasi bo'lib o'tdi.