"RRTM" DUKning tegishli buyrug'i bilan Toshkent RTUM tomonidan, Toshkent shahar FVB yong'in-qutqaruv brigadasi bilan hamkorlikda Toshkent teleminorasi (H=375 m)da 2022-yil 28-iyun kuni "Ob'yekt fuqaro muhofazasi tuzilmalari va ishchi xizmatchilarini yuzaga kelishi mumkin bo'lgan yong'inlarda harakat qilishga hamda yong'inni o'chirish birlamchi vositalaridan foydalanishga o'rgatish, ularning harakatlarini takomillashtirish" mavzusida amaliy ko'rgazmali o'quv mashg'uloti o'tkazildi.
 
Toshkent shahar FVB yong'in-qutqaruv brigadasi mutahassislari yong'inlar kelib chiqish sabablari va yong'in kelib chiqishini oldini olish, yong'in sodir bo'lganda to'g'ri harakatlanish, birlamchi o't o'chirish vositalaridan o'z vaqtida foydalanish bo'yicha tushuntirish va tavsiyalar berib o'tdi.
O'quv mashg'uloti ko'rgazmali-amaliy qismida birlamchi o't o'chirish vositalarini amalda qo'llash bo'yicha sun'iy favqulodda holatlar tashkil etilib, hodimlarning shaylik holatidagi harakatlari sinovdan o'tkazildi.