Korxonamizda faoliyat olib borayotgan xodimlar o‘rtasida sog‘lom turmush tarzini targ‘ibot qilish, sport bilan shug‘ullanish va ular o‘rtasida sport musobaqalari doimiy ravishda tashkil etib kelinmoqda.Xodimlar ishtirokida turli xil musobaqalarni tashkil qilish jamoa kayfiyatini shakillantirish va mustahkamlash hamda jamoada ichki muhitni yaxshilash uchun muhim ahamiyat kasb etadi.
Jumladan "Radioaloqa, radioeshittirish va televideniye markazi" DUK markaziy apparati va hududiy RTUMlar xodimlari o‘rtasida sportning shaxmat, shashka va stol tennisi yo‘nalishlarida final bosqichi o’tkazildi va g‘oliblar aniqlandi.
Ushbu sport musobaqasida faxrli o‘rinlarni egallagan xodimlarga korxona rahbariyati tomonidan esdalik sovg‘alari va faxriy yorliq bilan taqdirlandilar.
Musobaqadan so‘ng qatnashchilar uchun Toshkent teleminorasiga sayohat tashkil qilindi va “Koinot” restoranida ziyofat uyushtirildi shuningdek Yangi O‘zbekiston bog‘iga ham tashrif buyurib madaniy hordiq chiqarishdi.