2026 yil 13–14 mart kunlari mamlakatimizning barcha hududlarida “Yurt obodligi, avvalo, mahalladan boshlanadi” shiori ostida umumxalq obodonlashtirish va xayriya hashari tashkil etildi.

Ushbu jarayonda “RRTM” MChJning barcha hududiy bo’limlari xodimlari ham faol ishtirok etib, hududlarni obodonlashtirish, atrof-muhitni yanada ko‘rkam va ozoda holga keltirish ishlariga munosib hissa qo‘shdilar. Bunday ezgu tashabbus xalqimizga xos bo‘lgan o‘zaro hurmat, hamjihatlik va mehr-oqibat kabi qadriyatlarni yanada mustahkamlashga, milliy an’analarimizni asrab-avaylash va ulug‘lashga xizmat qiladi.

Bunday ezgu an’analar yurtdoshlarimiz qalbida Vatanga sadoqat, mas’uliyat va mamlakat ravnaqi yo‘lida fidoyilik tuyg‘ularini mustahkamlab, jamiyatimizning ma’naviy hayotida muhim o‘rin tutadi.