O‘zbekiston Respublikasi Raqamli texnologiyalar vazirligi Hay’ati hamda O‘zbekiston axborot texnologiyalari va ommaviy kommunikatsiya xodimlari kasaba uyushmasi Respublika kengashining hamkorlikdagi qo’shma qaroriga muvofiq tadbirlar rejasi tasdiqlangan.

Mazkur reja doirasida belgilangan topshiriqlar ijrosini ta’minlash maqsadida O‘zbekiston Respublikasi davlat mustaqilligining 34 yilligi keng nishonlandi. Shu munosabat bilan “Radioaloqa, radioeshittirish va televideniye markazi” MChJ markaziy apparati hamda hududiy RTUMlarda “Uch avlod uchrashuvi” tadbirlari tashkil etildi.

Uchrashuvlarda tashkilotning faxriy xodimlari, bugungi kunda faoliyat yuritayotgan mutaxassislar va yosh kadrlardan iborat uch avlod vakillari ishtirok etib, tajriba almashish, kasbga bo‘lgan sadoqat va an’analarni davom ettirish masalalari muhokama qilindi. Tadbir doirasida mustaqillik yillarida sohada erishilgan yutuqlar esga olindi, xodimlarning fidokorona mehnati yuksak qadrlanishi alohida ta’kidlandi.

Shuningdek, xodimlar o‘rtasida mehr-oqibat, birdamlik va kasbiy hamkorlikni mustahkamlash maqsadida bayram dasturxoni yozildi. Tadbir ishtirokchilari uchun quvonchli, samimiy muhit yaratildi va davlat mustaqilligi bayrami yanada ko‘tarinki ruhda o‘tkazildi.