Ma’naviy yetuk, komil insonni tarbiyalashda muzeylarning o‘rni nihoyatda beqiyos. Zero, muzeylarda saqlanayotgan tarixiy ashyolar, nodir qo‘lyozmalar, hujjatlar avlodlarga tarixdan, ajdodlarimiz hayoti, yuksak ma’naviyatidan hikoya qiladi.

Bu esa ota-bobolarimiz qoldirgan merosga hurmat, e’zoz va muhabbat tuyg‘usini uyg‘otish bilan birga, shu aziz Vatanga munosib farzand bo‘lish tuyg‘usini ham shakllantiradi.

Ayni shu jihatlarni e’tiborga olgan holda Raqamli texnologiyalar vazirligining tashabbusi bilan “Radioaloqa, radioeshittirish va televideniye markazi” davlat unitar korxonasi Toshkent RTUMda faoliyat yuritayotgan bir guruh xodimlar ishtirokida O‘zbekiston tarixi davlat muzeyiga ekskursiya tashkil etildi.

Ta’kidlash joizki, bu kabi ekskursiyalar xodimlar va yosh avlodga ma’naviy ozuqa berish hamda ularda vatanga muhabbat, ajdodlarga, tariximizga bo‘lgan faxr tuyg‘ularini oshirishda muhim ahamiyatga ega.