O’zbekiston Respublikasi Prezidentining 16 fevral 2023 yildagi “Qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi PQ–57-son qaror ijrosini ta‘minlash maqsadida “RRTM” DUK tasarrufidagi Toshkent teleminorasida quvvati 70kWt hamda   Surxondaryo RTUM Uchqizil RTSiga quvvati 20 kW ON-GRID tizimida ishlovchi “GROWATT” nomli quyosh elektr stansiyalari o’rnatildi.

Teleminora kirish hududida jami 130 ta, Uchqizil RTSida esa 250 kv.m maydoniga 37 dona A klassli monokristal quyosh panellari o’rnatilgan bo’lib, har bir panellar 540 Wni tashkil qiladi.

Birgina Uchqizil RTS miqyosida ON-GRID tizimida ishlovchi quyosh elektr stansiyasi o’rnatilgandan so’ng bir kunda 25-30 kW, bir oyda esa o’rtacha 1000 (ming) kW/s elektr energiyasi tejalishi mumkin.

Qayta tiklanuvchi energiya manbalarini keng joriy etish, energiya samaradorligini oshirish orqali respublika hududlarida energiya taqchilligi qoplashda muhim o’rin tutadi.