Italiya Respublikasining "Elenos Group" kompaniyasi taklifiga binoan Raqamli texnologiyalari vazirligi vakillari va “RRTM” DUK rahbariyati Italiya davlatining Ferrara va Orviyeto shaharlarida joylashgan Elenos Group kompaniyasining ishlab chiqarish zavodlariga tashrif buyurishdi.

Tashrif davomida FM va DAB+ standartidagi radioeshittirish qurilmalari hamda ishlab chiqarish imkoniyatlari bilan tanishish va ushbu yo‘nalishlarda hamkorlikni kengaytirish, yangi DVB-T2 raqamli televideniye uzatgichlarini hamda DAB+ standartida raqamli ovozli radioeshittirish tarmog‘ini qurish va uni ekspluatatsiya qilish ishlarini о‘rganish rejalashtirilgan.

Shuningdek ushbu kompaniya tomonidan ishlab chiqarilayotgan DAB+ raqamli radio uzatgichlari, FM radio uzatgichlari, DVB-T/T2 standartida ishlovchi raqamli televideniye uzatgichlari haqida taqdimotlari bilan yaqindan tanishildi.

Hozirgi kunda Oʻzbekiston Respublikasida DAB+ standartini joriy qilinishida ushbu kompaniyaga tegishli boʻlgan Itelco DAB+ uzatgichlari test sinov tariqasida ishlab kelmoqda.