RRTM DUK faoliyati

RRTM DUK faoliyati
Yangilanish sanasi: 2012 yil 1 yanvar

Radioaloqa, radioeshittirish va televideniye markazi (RRTM DUK) Аxborot texnalogiyalari va kommunikatsiyalarni rivojlantirish vazirligi huzuridagi davlat unitar korxonasi bo‘lib, Toshkent shahri, respublikamiz viloyatlari va Qoraqalpog‘ston Respublikasida joylashgan 9 ta filial — Radio va televideniye uzatish markazlarini, shu bilan bir qatorda «Aloqa RTV» va «Aloqachi-Chorva-Naslchilik» sho‘’ba korxonolarini o‘z ichiga olgan yirik tashkilotdir. Markaz tomonidan butun Respublika xududida teleradiodasturlarini tarqatish tarmog‘i tashkil etilgan.

RRTM DUK tarkibida 1100 dan ortiq xodimlar o‘z mehnat faoliyatlari bilan faol shug‘ullanib kelmoqdalar. Bundan 24,6 foizi oily ma’lumotga, 36,6 foizi o‘rta maxsus ma’lumotga va 38,8 foizi o‘rta ma’lumotga egadirlar.

RRTM DUK Respublika ijtimoiy xayotida muxim o‘rin egallaydi. Markaz O‘zbekiston Respublikasi teleradiouzatish tizimlarini rivojlantirishda ishtirok etadi va maqsadli davlat dasturlarini amalga oshiradi.

RRTM DUK yer usti va sun’iy yo‘ldosh aloqa tizimlaridan foydalangan holda O‘zbekiston Respublikasi xududida radio va televideniye dasturlarini tarqatish faoliyatini amalga oshiradi.

RRTM DUK O‘zbekiston Milliy teleradiokompaniyasi va O‘zbekiston Respublikasi tijorat televidyeniyelarining radio va televideniye dasturlarini tarqatish, shuningdek xorijiy radio stantsiyalarining radio dasturlarini retranslyatsiya xizmatini ko’rsatuvchi davlat korxonasi hisoblanadi.

RRTM DUK, bozor talablaridan kelib chiqqan holda, davlatning moliyaviy ko‘magida, jahon standarti talablariga mos keluvchi zamonaviy texnik vositalar bilan qayta jixozlanmoqda. Bu esa bizga xizmatlar sifatini doimo yaxshilab borish va Respublika aholisining zamonaviy darajadagi teleradiouzatish xizmatlariga bo‘lgan extiyojini to‘liq qondirishga intilish imkoniyatini bermoqda.

Hozirgi kunda, «O‘zbekiston Respublikasida raqamli teleuzatishni tadbiq etish Konsepsiyasi»ni amalga oshirish doirasida RRTM DUK O‘zbekiston Respublikasida raqamli teleuzatishni tizimini tatbiq etish ishlarini olib bormoqda.

RRTM DUK qisqa to‘lqinda ishlovchi yuqori quvvatli uzatkichlar orqali chet el kompaniyalariga radiodasturlarni uchinchi davlatlarga uzatish xizmatini ko‘rsatadi.

RRTM DUK O‘zbekistonning bir qator regionlarida o‘zining kabel televideniyesi tarmoqlariga ega. Shu bilan birga, Respublika aholisining to‘lovli televidyeniyega o‘sib borayotgan talabini qondirish uchun mavjud kabel televideniyesi tarmoqlarini rivojlantirish va yangi tarmoqlarni tashkil etishn ishlarini davom ettirmoqda.

RRTM DUK, betakror inshoat – Toshkent teleminorasiga ega bo‘lib, 110 metr balandlikda joylashgan “KOINOT” restorani va teleminoraga ekskursiya xizmatlarini ko‘rsatadi.

RRTM DUK aloqa qurilmalarini o‘rnatish uchun machta va minoralardagi maydonchalarni ijaraga beradi. Respudlikamizning deyarli barcha yirik va bir qator kichik shaharlarida elyektoraloqani tashkil etish uchun zarur bo‘lgan metal qurilmalarining mavjudligi Markazning ustunligini ta’minlaydi.

Bugungi kunda, O‘zbekiston aloqa va axborotlashtirish agentligining moliyaviy ko‘magi va bevosita rahbarligi ostida, RRTM DUK tomonidan Toshkent, Buxoro, Samarqand, Nukus, Urganch, Andijon va Qarshi shaharlarida raqamli televideniye tajribaviy xududlari tashkil etilgan.

RRTM DUK tuzilmasi